Sextus Ordo, Fol. 10

Paeonia mas flore purpureo. Vix ulli caeterarum cedere videtur floris amplitudine, qui e rubore ad purpureum colorem multum vergebat, ac folijs octonis, staminulisque plurimis, quorum apiculi aurei, geminata, & nonnihil lanuginosa corniculata quasinucamenta, aut capitula, apice crasso, rubescente, nutante fastigiata, orbiculatim circumcirca ambiebant. Capitula autem ilia per aetatem in majorem extumescere solent magnitudinem, maturitate dehiscentia, lunatim se contrahendo, interni corticis membranam foris vertunt, pulchra rubedine suffusam, ac granis caesio nigricantib ,subrotundis, Ochri magnitudine, aliisque oblongis, nondum absolutis, coccineo colore tinctis, subinde intermistis, obsita cernuntur.

Germanice, Purpur-roth einfache Gicht-Rosen.

[zurueck/back]